![[Under Construction]](../../images/undercon.gif){kind=small}
GENESING?
Kom ons kyk saam na genesing in die Bybel. Laat ek net weereens sê dat daar drie tipes mense is m.b.t. die Bybel.
- Die wat geestelik kyk na die Bybel. (Luk 12:12) want die Heilige Gees sal julle in dieselfde uur leer wat julle moet sê. (Joh. 14:26) maar die Trooster, die Heilige Gees, wat die Vader in my Naam sal stuur, Hy sal julle alles leer en sal julle herinner aan alles wat Ek vir julle gesê het. (1Co 2:13)Daarvan spreek ons ook, nie met woorde wat die menslike wysheid leer nie, maar met dié wat die Heilige Gees leer, sodat ons geestelike dinge met geestelike vergelyk.
- Die wat geleerd en vleeslik kyk na die Bybel. (Probeer met sweet die geskrifte verstaan en kom gewoonlik op punt dat hul nie meer glo nie – soos Prof Sakkie Spangenberg) 1Co 3:19 want die wysheid van hierdie wêreld is dwaasheid by God
- Die wat amper nooit en miskien nooit die Bybel lees nie. (Alhoewel hul so iets met tyd opgetel het wat in Bybel staan – kan gewoonlik net Ps. 23 onthou en dat jy nie moet oordeel nie)
Slegs no 1. se mense sal verstaan wat werklik aan die gang is. Die Bybel word oor tyd deur die heilige gees aan jou geopenbaar. God self hou die skrif vir jou geslote. Soos jy jouself oorgee sal die skrif vir jou ook oopgebreek word. Geleerdheid gaan dit beslis nie doen nie. Jesus self het gesê:
(Mat 18:4) Elkeen dan wat homself verneder soos hierdie kindjie, hy is die grootste in die koninkryk van die hemele.
(Mar 10:15) Voorwaar Ek sê vir julle, elkeen wat die koninkryk van God nie soos ‘n kindjie ontvang nie, sal daar nooit ingaan nie.
(Luk 18:17) Voorwaar Ek sê vir julle, elkeen wat die koninkryk van God nie soos ‘n kindjie ontvang nie, sal daar nooit ingaan nie.
So is daar tussen hierdie drie tipes mense 3 tipes genesing ook teenwoordig in die Bybel.
1. Tipe 3 het mediese vondse – slegs dokters kan jou genees.
2. Tipe 2 glo daar is geestelike genesing maar nie fisiese genesing nie. Hul het ook mediese vondse, net vir ingeval daar nie ‘'n God is nie.]
3. Tipe 1 glo absoluut dat daar oorwinning vir siektes in God se Woord is. Siektes is een van die dinge waarvoor Jesus Christus gesterf het.
Kom ons kyk dan baie vinnig na wat die Woord sê oor siektes:
Isa 53:5 Maar Hy is ter wille van ons oortredinge deurboor, ter wille van ons ongeregtighede is Hy verbrysel; die straf wat vir ons die vrede aanbring, was op Hom, en deur sy wonde het daar vir ons genesing gekom.
1Pe 2:24 wat self ons sondes in sy liggaam op die kruishout gedra het, sodat ons die sondes kan afsterwe en vir die geregtigheid lewe; deur wie se wonde julle genees is.
Mat 8:17 sodat vervul sou word wat gespreek is deur Jesaja, die profeet, toe hy gesê het: Hy het ons krankhede op Hom geneem en ons siektes gedra.
Kom Christen, word wakker. Los die mense wat net altyd die Woord wil afbreek. Hier staan duidelik dat Jesus vir ons siektes gesterf het. Kom ons kyk hoekom is daar BAIE siek onder ons.
1Co 11:30 Daarom is daar onder julle baie swakkes en sieklikes, en ‘n aantal het ontslaap.
So KYK mooi. Hier staan DAAROM is daar onder julle BAIE swakkes en sieklikes. So kom ons kyk net na die vers voor dit om te sien WAAROM?
1Co 11:29 Want wie op onwaardige wyse eet en drink, eet en drink ‘n oordeel oor homself, terwyl hy die liggaam van die Here nie onderskei nie.
Hierdie is by die Nagmaalstafel waar ons die liggaam moet onderskei. Die BLOED vir die sonde en die liggaam vir die siektes.
Groete in Jesus Christus
Sarel Roeloffze