Wegraping

Sarel Roeloffze

Terug na Afrikaanse Hoofblad

Wat jy heel eerste moet doen:

1. Blaai na die laaste gedeelte waar al die skrif verskyn wat gebruik is. Lees dan al die skrif self in die Bybel, lees dit in konteks soos dit in die Woord staan.
2. Maak nou jou eie studie van wat die Woord sê oor die onderwerp. Maak seker al die skrif is gelys wat alle kante van verskillende sienninge oor onderwerp gebruik. Die teen dit en die vir dit, ook die wat ander sienings het. Lees alle skrif.
3. Lees dan my studie oor die onderwerp en wat my bevinding is, vergelyk dit met jou studie wat jy voltooi het. Nou het jy goeie fondasie gelê op hierdie spesifieke onderwerp en kan ander help na hul soeke na Waarheid.

Wat jy asseblief nie moet doen nie:

1. Moet nie na jou prediker luister en hom onvoorwaardelik glo nie. Maak nie saak watter kerk jy in is nie, toets dit teen die Woord van God.
2. Moet nie 'n DVD kyk oor hierdie onderwerp en dan jou hele denke bou op hierdie een dvd nie. Toets dit!
3. Moet my ook nie onvoorwaardelik glo nie - toets dit teen die Woord.
4. Los my as mens - ek is net gewone sondaar, lees wat daar staan, as jy na my gaan kyk gaan ek jou teleurstel. Moet nie jou vertroue op mens stel nie, maar op God.

Orde van Skrif ontleding

Die basiese beginsel is om na die hele raad van die Woord te kyk. Daar is nie teenstrydighede nie. Van die begin tot aan einde van die Woord sal een raad gevolg word, niks sal teen die hele raad beweeg nie.

Ou Testament wys na nie Nuwe
Nuwe Tetament wys na Jesus Christus - so albei wys na Christus.

Maak onderskeid tussen die Kerk en Israel

Kerk is die gemeenskap van die gelowiges, bestaande uit ALMAL wat wedergebore is, maak nie saak watter nasie jy is nie.
Israel is die volk Israel - Spesifieke volk waarmee God steeds verbond het, 'n verbond wat nie tot niet gegaan het nie en wat sal afspeel in laaste dae - soos herstel van Israel ens...

Hermeneutiek is die gebruik van sekere beginsels om die Bybel te verklaar, byvoorbeeld om tekste in die breë, historiese en letterkundige konteks te lees (Hele raad). Dit is ook belangrik om interpretasies in samewerking met die taal en grammatika soos dit in die Bybelse era gebruik was te doen. 'n Letterlike benadering moet vir Bybel interpretasie gebruik word. Dus moet eerder die Bybel die praat werk laat doen oor 'n saak, as persoonlike mening, kerk geskiedenis of tradisie. 'n Letterlike interpretasie sal meebring dat interpretasies meer geneig sal wees om in ooreenstemming met ander kruisverwysings en skrifgedeeltes te wees. Die vergunning is ook nooit daar om met gesag van 'n vergeestelikte-en-figuurlike (allegoriese) interpretasie gebruik te maak nie, soos sommige bv Israel wil vergeestelik - dit is dat ons wat wedergebore Israel is - daar m.a.w nie onderskeid tussen Israel en die Kerk nie. [Lees Efesiërs 2.]
Daar moet ook gebruik gemaak word van kruisverwysings om verhoudings tussen tekste te ondersoek oor 'n sekere verband of onderwerp. Laastens, sekere Bybelboeke handel meer in diepte oor sekere onderwerpe, ander weer in die breë en algemeen. In die konteks van die wederkoms en laaste oordeel is byvoorbeeld Openbaring, Daniël, Sagaria meer daarop ingestel as profetiese boeke. Die Evangelie boeke vervat die evangelie boodskap van verlossing, dit bly die kern gedagte en dus die doelwit daarvan die oordrag van die goeie nuus hoewel sekere algemene aspekte van die eindtyd breedvoerig hierin vervat word. Daarom is dit wys om byvoorbeeld Openbaring as 'n profetiese boek te gebruik vir eindtyd studies. Die hoofdoel van die outeur van Openbaring was dus om spesifieke toekomstige profetiese onderwerpe te
behandel. Die diagram hieronder gee vir ons 'n raamwerk van hoe Openbaring uitgelê is.

Verskillende sienings oor die Koms van Christus

Kom ons kyk wat is al die verskillende sienings oor die koms van jesus Christus.

1. Die wederkoms is tweeledig, sy eerste deel is net vir die kerk in die lug voor die groot verdrukking, sy tweede deel na aarde na die groot verdrukking is vir die 1000 jaar vrederyk. Dit is die "Pre-trip" siening.
2. Die wederkoms is tweeledig, sy eerste deel is net vir die kerk in die lug in die middel van die groot verdrukking, sy tweede deel na aarde na die groot verdrukking is vir die 1000 jaar vrederyk. Dit is die "mid-trip" siening.
3. Die wederkoms is eenmalig, sy eerste deel is net vir die kerk in die lug na die groot verdrukking en dan gelyk in tyd Sy tweede deel na aarde is vir die 1000 jaar vrederyk. Dit is die "post-trip" siening.

Wie gaan almal weggeraap word?
Almal wat wedergebore is, die wat lewe en die wat reeds dood is.

Kan iemand gered word tydens die verdrukking?
Baie beslis. Die wegraping is die einde van die Kerk era wat begin is met Pinksterdag. Tydens die verdrukking is dit God met Sy volk Israel. Lees Openbaring 7

Rev 7:9 Ná hierdie dinge het ek gesien, en kyk, daar was ‘n groot menigte wat niemand kon tel nie, uit alle nasies en stamme en volke en tale; hulle het gestaan voor die troon en voor die Lam, bekleed met wit klere en met palmtakke in hulle hande;
Rev 7:10 en hulle het met ‘n groot stem geroep en gesê: Heil aan onse God wat op die troon sit, en aan die Lam!
Rev 7:11 En al die engele het rondom die troon en die ouderlinge en die vier lewende wesens gestaan, en hulle het voor die troon op hulle aangesig neergeval en God aanbid en gesê:
Rev 7:12 Amen! Die lof en die heerlikheid en die wysheid en die danksegging en die eer en die krag en die sterkte aan onse God tot in alle ewigheid! Amen.
Rev 7:13 Toe het een van die ouderlinge gespreek en vir my gesê: Hulle wat bekleed is met die wit klere, wie is hulle en waarvandaan het hulle gekom?
Rev 7:14 En ek sê vir hom: My heer, u weet dit. En hy sê vir my: Dit is hulle wat uit die groot verdrukking kom, en hulle het hul klere gewas en hul klere wit gemaak in die bloed van die Lam.
Rev 7:15 Daarom is hulle voor die troon van God en dien Hom dag en nag in sy tempel; en Hy wat op die troon sit, sal sy tent oor hulle oopspan.
Rev 7:16 Hulle sal nie meer honger en nie meer dors hê nie, en nooit sal die son of enige hitte op hulle val nie;
Rev 7:17 want die Lam wat in die middel van die troon is, sal hulle laat wei en hulle na lewende waterfonteine lei, en God sal alle trane van hulle oë afvee.

Onthou dat die eerste 3.5 jaar "vreedsaam" gaan wees. Vrede gaan aan die orde van die dag wees - dit is wat verkondig gaan word deur die Antichris. Hier sal beslis nog mense tot bekering kom, veral nadat ware gelowiges weggeruk is - watter groot getuienis gaan dit nie wees nie.
Die tweede deel van die 7 jaar gaan die groot vervolging en bloedvergieting wees - koppe gaan fisies rol vir hul getuienis oor Jesus Christus.

Ek sien glad nie die standpunt in dat die siening hier voorsiening maak dat mense 'n maklike uitweg soek nie - 'n tweede kans. Ek vergelyk dit met twee mense wat sterf - die een aan kanker en die ander aan hartaanval. Is dit nou onregverdig? Die een met kanker het dan mos ook tweede kans? Nee wat, kom ons los die verskonings en kyk wat die Woord ons vertel.

Verlossing van regverdiges

Een baie belangrike ding wat deur die hele Woord gesien kan word is dat God die regverdige verwyder voor Sy woede oor die mensdom neerdaal. Die hele raad oor hierdie punt kan duidelik in die Woord gevolg word. Hoekom sal daar dan 'n verandering wees in die eindtyd?

Henog en Noag
Henog tipe Kerk, Noag tipe Israel

Noag Gen 7:23

Lot Gen 19:15

Henog weggeneem voor die tyd.
Noag moes die tydperk self beleef.

Feeste as Profeties

Kyk asseblief dat die feeste almal vooruit profeties is. Vra met elke fees die vraag waarna die fees profeties wys? Waarna wys die fees van die Basuin? Na hierdie fees nog twee feeste.

1. Die Paasfees (Pasga)- Passover (Seder meal)
2. Die Fees van Ongesuurde Brode - Feast of unleavened bread
3. Die Fees van Eerstelinge - Presenting of the Firstfruit
4. Die Fees van weke (Pinksterfees) - Schavuot
5. Die Fees van die Basuin - Feast of Trumpets (Rosh Hashana)
6. Die Groot Versoendag - Yom Kippur
7. Die Loofhuttefees - Succoth

354 dae in die Joodse Kalender, Adar is ingesit as skrikkeljaar (7 in 19 jaar)

Joodse Troue

Wat my laat wonder is hoekom noem Jesus die kerk (gemeenskap van gelowiges) die bruid? Hoekom noem Hy Homself die Bruidegom?
As hy dit doen moet dit mos vir die mense vir wie Hy dit vertel betekenis hê, anders was dit sinneloos.

Die rede is omdat die tradisionele Joodse troue op 'n baie spesifieke manier behartig was. So sou hule dan presies weet wat Jesus bedoel het. Lees onderstaande oor die Joodse bruilof en sien dan saam met my dat net een siening van die koms van Christus in hierdie beeld inpas. Die koms vir die kerk en dan die wederkoms saam met Sy bruid. Een maal vir die Bruid en dan SAAM met die bruid.

Kerk - Bruid - 2 Kor 11:2 ; Efes 5:22-32 ; Open 21:9-10
Jesus - Bruidegom - 2 Kor 11:2 ; Efes 5:23-27
? - Gaste - Matt 25:1-10

'n Vergelyking tussen die Joodse huweliks tradisies en wat Jesus vir ons gedoen het en gaan doen.
(http://christo.schmidt.myweb.absamail.co.za/Joodse%20Troue.html)

Fase 1: Die verlowing

1. 'n Kontrak word voorberei deur die joodse man - God beplan om die mens van sonde te red.
2. Sy ABBA (vader) gaan die kontrak noukeurig deur om toe te sien dat alles in orde is - God die vader beplan om sy enigste Seun vir die wereld te gee.
3. Hy gaan na die toekomstige bruid en haar vader en vra haar om te trou - Jesus kom na die aarde om Sy bruid voor te berei.
4. Die belangrikste deel van die huweliks kontrak is die prys wat die bruidegom bereid is om te betaal vir sy bruid - Jesus het die hoogste prys betaal, Hy was gekruisig en het sy lewe vir die wereld gegee.
5. As die kontrak aanvaarbaar vir die bruid en haar vader is, sal hulle 'n glasie wyn skink en daarop drink - 'n Mens moet eers die gestorte bloed van Jesus aanvaar om gered te word.
6. Die man sal dan aan sy toekomstige bruid geskenke gee as 'n bewys van sy liefde - As jy wedergebore word kom woon die Heilige Gees in jou en jy ontvang een of meer van die 9 gawes(1 Kor 12:8-10) van die Heilige Gees.
7. Wanneer die aanstaande bruidegom weg gaan, gaan neem die bruid 'n spesiale bad - Na wedergeboorte word jy gedoop.
8. op hierdie stadium is die twee wettig getroud, maar nog nie gereed om saam te woon nie. - Jy behoort aan Jesus maar jy is nog nie saam met Hom in die hemel nie.
9. Voor die aanstaande bruidegom haar verlaat moet hy vir haar se dat hy vir haar 'n huweliks kamer (honeymoon suite) gaan voor berei. - J esus het ons ook belowe dat hy vir ons 'n plek gaan voorberei en dat Hy on weer sal kom haal.
10. Die bruidegom begin dadelik om 'n kamer voor te berei in die huis van sy vader - Jesus is op die oomblik besig om vir ons 'n plek voor te berei in die huis van Sy Vader.
11. Dit kan baie lank neem om die kamer voor te berei. As iemand sou vra wanner die huwelik sal plaasvind, sa die jong man gewoonlik antwoord dat hy nie weet nie. Sy vader moet eers die kamer goedkeur. - Jesus het sy dissipels geantwoord toe hulle Hom vra wanneer Hy weer sal terugkeer dat niemand weet nie, nie eers die Engele nie maar slegs die Vader.
12. Gedurende hierdie wag tydperk sal die bruid haar gereed maak en hou met al die geskenke wat sy ontvang het. - Wedergebore christene moet heilig lewe deur gebruik te maak van die gawes van die Heilige Gees.
13. Die bruidegom wag ongeduldig dat sy vader die kamer moet inspekteer en goedkeur. - Jesus wag ook dat Sy Vader die plek wat Hy vir sy bruid voorberei het, moet inspekteer en goedkeur.

Fase 2: Die Huwelik

1. Dit neem die bruidegom nie lank na sy vader se goedkeuring om die bruid te gaan haal nie. - Jesus sal gou kom om sy bruid (die kerk) te kom haal.
2. Die bruid moet altyd 'n lampie vol olie byderhand he aangsien die bruidegom gewoonlik in die nag kom om sy bruid weg te "steel". (lees Mat 25:1-13) - Jesus self het gese dat Hy soos 'n dief in die nag sal terug keer.
3. Die bruidegom word vergesel van sy beste vriende as hy sy bruid gaan haal. - Jesus word vergesel van Sy engele wanneer Hy kom om Sy bruid te haal.
4. Die bruidegom wil die bruid verras, maar hy wil haar ook genoeg tyd gee om reg te maak - Jesus waarsku ons geduring in die Bybel om gereed te wees.
5. Wanneer die bruidegom naby die bruid se huis kom roep hy en blaas op die shofar (rams horing) om sy bruid te waarsku dat hy naby is. - Jesus sal uit die hemel neerdaal met 'n geroep met die stem van 'n aardsengel en geklank van die basuin. (shofar)
6. Die bruidegom neem sy bruid en neem haar vinnig weg - Jesus sal Sy kerk in 'n oogwink wegraap.
7. Sodra hulle by die bruidegom se vader se huis kom gaan hulle in die kamer in wat hy vir sy bruid berei het. Hulle bly hier vir 'n sewe dae wittebrood. Op die eerste nag voltrek hulle die huwelik en sluit hulle verbond om lewnslank aan mekaar getrou te wees. - Die kerk sal vir die 7 jaar verdrukking (tribulation) tydperk in die hemel wees.
8. Hierna het die bruid en bruidegom omgang. Die bruid se humen word gebreek en bloed op die laken is 'n bewys dat sy 'n ware maagd was. - Al jou werke sal getoets word om te sien of dit eg was.
9. Die bruidegom se beste vriend staan buite die deur en wag dat die bruidegom vir hom moet se dat die huwelik nou volbring is. Die bruidegom gee ook die bloed bevlekte laken aan hom. Die vriend wys dit dan aan al die gaste as bewys dat die twee nou een geword het. - Dit is moontlik dat Jesus vir die engele die krone van die wedergebore christene, wat hulle ontvang het as prys vir wat jy op aarde gedoen het, sal wys.

Fase 3: Die Feesvierings

1. Die feesvierings hou vir sewe dae aan. - Die kerk sal in die hemel wees vir sewe jaar
2. Na die sewe dae verskyn die pas getroudes en al die gaste is bly en wens hulle geluk. - Die engele sal jubbel en bly wees as hulle aansluit by die kerk vir die slag van Armageddon
3. Daar word nou 'n onthaal gehou om die bruidegom en bruid te vereer. - Die bruilof van die Lam word in die hemel gevier.
4. Na die onthaal vertrek die bruid en bruidegom na hulle eie huis. - Na die slag van Armageddon sal Jesus en die engele vir 'n 1000 jaar op aarde regeer.

Wegraping

Wanneer

Vir Wie

Hoekom

Tweede koms van Jesus Christus

Wanneer

Verskil van wegraping

Verskille in tabel vorm

Verse gebruik in studie

Dan 7:17-27 ; 9:24 ; 12:1,2
Efes 5:22-32
Eseg 37:21-28
Fil 3:20,21
Gen 18 (lot); 5 (henog) 7:23 ; 19:15
Hand 2:1 ; 8:39 ; 15:13 16:26,27 19:16
Johannes 14:1-3
1 Joh 3:2
Jud 1:14
Kol 3:4
1 Kor 11:22 ;15:23-24,51,52
2 Kor 12:2,4 ; 11:2
Luk 21:20,21,34,36
Matt 3:7 ; 13:28-30, 41-42 ; 24:22,30,29-44 ; 25:1-10
1 Thes 1:9,10; 4:4-18 ; 5:3,9 tot hfst 6
2 Thes 2:1,6,3-8
Thes 1:10
Titus 2:13
Jas 5:7-9
Open 1:7 ;3:3,10,16; 6:1-18:24 ; 9:7 ; 12:5 ; 13:11-18 ; 19:1-21,11-16 ;20:1-10, 11-15 ; 21:9-10 ; 22:17,20 ; hfst 1-5; hfst 6-20
Rom 11:1,11,15,25
Sag 13:7-9 ; 14:1-5, 16-21

Kom kyk gereeld, ek besig om direk op internet dit in te tik en op te laai